Etholwyd yn 2026
Ar ôl Cwrs Sylfaen yng Ngholeg Celf Dyfed yn 1982, es ymlaen i astudio cwrs Darlunio Technegol dros pedair mlynedd yn Abertawe. Ar ôl cwblhau, gweithiais fel dylunydd / darlunydd i asiantaeth hysbysebu a chefais fy nghyflogi fel darlithydd rhan-amser mewn lluniadu dadansoddol. Yn ddiweddarach, gweithiais fel tiwtor lluniadu o fywyd ar y cwrs Sylfaen yn Abertawe. Wedi hynny, cwblheais gymwysterau addysgu FETC a TAR.
Fe wnes i ail-hyfforddi fel Dylunydd Graffeg yn enill fy BA(Anrh) yn 1997 ac dw’i wedi rhedeg cwmni dylunio fy hun, SIGGA Design Ltd. ers hynny. Yn 2011 dychwelais i addysg i gwblhau MA mewn Cyfathrebu Gweledol (Deialogau Cyfoes). Yna dysgais ran amser mewn gwahanol ddisgyblaethau dylunio a lluniadu am dros ddeng mlynedd. Rwyf bellach yn dysgu dosbarthiadau meistr darlunio bywyd ar sail ad hoc.
O'r dechrau rwyf wedi parhau â disgyblaeth lluniadu o fywyd rheolaidd, gan weithio mewn graffit, dyfrlliw, pastels, neu bensiliau lliw.
Rwyf wedi bod yn paentio portreadau mewn olewau ers sawl blwyddyn bellach. Derbyniwyd un o'r portreadau yn y set o bedwaredd ar bymtheg a baentiais trwy Zoom yn ystod y cyfnod clo Covid, ar gyfer arddangosfa flynyddol y Royal Society of Portrait Painters yn Orielau Mall yn 2021. Ers hynny rwyf wedi cwblhau llawer o gomisiynau ar gyfer portreadau (confensiynol a noethlymun) o bob cwr o'r byd. Enillodd fy mhortread o'r bardd David Hughes gystadleuaeth Celf Agored Castell-nedd yn 2024. Rwy'n cymryd eisteddiadau ar-lein ac yn bersonol a hefyd yn gweithio o ffotograffau cyfeirio.
Bum mlynedd yn ôl dechreuais baentio tirluniau a bywyd llonydd ac mae fy mheintiadau agos o conkers a chregyn gleision wedi cael eu harddangos yn eang. Yn ogystal, rwy'n awdur brwd ac dw’i wedi ysgrifennu nifer o erthyglau am fy ngwaith a phynciau eraill a gyhoeddwyd ar-lein trwy Medium (https://medium.com/@draftsmann).
Website
