Colin See-Paynton AFG - “Dyma’r Prawf!”

Mae’r Academi Frenhinol Gymreig wedi bod yn hael iawn wrth gynnig eu horiel yng Nghonwy i mi gynnal arddangosfa o’m printiau. Rwyf wedi dewis dros ddeugain o’m hengrafiadau pren, o bron i hanner canrif o waith yn y cyfrwng hynod ddiddorol hwn.

Rwy’n mawr obeithio y byddwch yn mwynhau’r arddangosfa, ac y byddwch hefyd yn gweld y diddordeb a dyfnder yr angerdd sydd gennyf dros y gelfyddyd hon o wneud printiau — celfyddyd sy’n cael ei harddangos yn anaml ac sy’n rhy aml yn cael ei hanwybyddu.

Ac os oes unrhyw amheuaeth o gwbl, wel — Dyma’r Prawf!

‘Mae Colin See-Paynton wedi ychwanegu gweledigaeth arall eto at draddodiad cyfoethog engrafio pren. Mae ei hyfrydwch yn llinellau aderyn, wedi’u hysgythru mor gain gan flaen ei offeryn engrafio, ei fedrusrwydd wrth amrywio gwead er mai du a gwyn yn unig sydd ganddo i wneud hynny, a’i bleser amlwg wrth gyfansoddi ei bynciau’n ddyluniadau llawn llawenydd, wedi dod â rhywbeth newydd i’r ffordd y portreadir adar. Mae’n fraint wirioneddol cael cyfrannu’r ychydig eiriau hyn i’w cyflwyno.’

Syr David Attenborough
Rhagair, Of a Feather

‘Nid yn unig y mae Colin See-Paynton yn etifeddu medrau a gweledigaeth artistiaid cynharach (Thomas Bewick, Charles Tunnicliffe a Gertrude Hermes), ond mae hefyd yn ychwanegu disgleirdeb ei ddyluniadau a’i feistrolaeth ar symudiadau adar, anifeiliaid a physgod. Efallai ei bod yn anodd i engrafwr pren, oherwydd disgyblaeth ei gelfyddyd, gyflawni elfen esthetig; ond pan fydd yn llwyddo i wneud hynny, mae’n creu gwrthrych o harddwch anghyffredin, ac mae llawer o engrafiadau Colin See-Paynton yn wirioneddol brydferth.’

Syr Kyffin Williams RA