Aelod Cysylltiedig Etholedig yn 2024; Aelod Llawn yn 2026
Dwi’n byw ac yn gweithio o’m stiwdio ac oriel yn fy nghartref yn Nolwyddelan, Eryri. Astudiais gelfyddyd gain a graffeg yn Ysgol Gelf Caer a ffotograffiaeth olygyddol yn Ysgol Gelf Rochester.
Dwi bellach yn canolbwyntio ar greu printiau yn y stiwdio, yn enwedig grafur â gwasg ysgythru a phapurau cain, ynghyd â phrosesau llosgliw a darnau 3D gan ddefnyddio pren, metelau a phrintiau.
Daw fy ysbrydoliaeth o'r mynyddoedd a'r dyffrynnoedd cyfagos, ac yn enwedig Penrhyn Llŷn lle dwi'n treulio llawer o’m hamser.
Mae fy hyfforddiant traddodiadol, technegol yn sail i bopeth dwi'n ei greu. Mae deall y broses yn caniatáu i mi ei herio. Dydw i ddim yn credu y dylai techneg ddominyddu'r ddelwedd; dim ond offeryn yn y broses greadigol y dylai fod.
Dros y blynyddoedd, mae fy mhroses o greu delweddau wedi esblygu o'r cynrychioliadol i'r dull mwy argraffiadol a chyffyrddol. Dwi'n chwilio am naws, ymgysylltiad, gwead, ac yn bwysicach byth, y synnwyr o le a chyffyrddiad.
Website
