Mae Myles Mansfield yn artist amser llawn sy’n gweithio mewn sawl maes gwahanol;
Yn ei ymarfer peintio, mae Myles ar hyn o bryd yn archwilio natur drosiannol y bod dynol yn yr amgylchedd trefol drwy baentio pobl ar feinciau. Trwy adael rhannau o’r cefndir i ddangos drwodd ac wrth dorri’r pwnc yn ddarnau, mae Myles yn ceisio portreadu byrhoedledd y cymeriad.
Mae cerfluniau dur Myles o anifeiliaid, pobl a gwrthrychau organig eraill bob amser yn cynnwys defnyddio deunyddiau wedi’u hailgylchu fel bod modd darganfod pethau o’u mewn. Mae’n dod o hyd i dderw Cymreig fel bod y cerfluniau, ynghyd â’r offer a’r gwrthrychau a geir yn lleol, yn wirioneddol berthnasol i’r lle y cânt eu gwneud. Mae’n bwysig i Myles fod pob cerflun yn dal bywyd a symudiad y creadur y mae’n ei bortreadu.
Mae cerfluniau cinetig Myles wedi’u gwneud o wrthrychau wedi’u hailgylchu a hen fanecwins, ac maent yn rhan o PhD sy’n archwilio syniadau ynghylch ôl-ddyneiddiaeth drwy greu ac arddangos cerfluniau cinetig. Ethos ei gerfluniau yw bod yr holl rannau gweithredol yn weladwy ac nad ydynt yn defnyddio cyfrifiaduron. Nid yw’n defnyddio llyfrau braslunio ar gyfer unrhyw un o’i gerfluniau; caiff pob un ei adeiladu’n reddfol. Mae hwn yn ffordd araf o weithio gyda llawer o gamau yn ôl yn y broses, ond mae Myles yn teimlo ei fod yn dysgu bob tro; mae pob cerflun yn antur haptig mewn creu corfforedig.
Website
