HEDFANOL - Argraffiadau Gwreiddiol Cyfoes o Adar ac Anifeiliaid Hedfanol Eraill

Cydweithrediad rhwng Yr Academi Frenhinol Gymreig ac Urdd y Gwneuthurwyr yng Nghymru, Caerdydd.

Cafodd Marian Haf a Ruth Thomas RCA eu gwahodd i gylchredeg arddangosfa o argraffu a chymryd rhan ynddi eu hunain; cynhaliwyd yr arddangosfa hon am y tro cyntaf yng Nghaerdydd yn 2023.

Gofynnwyd am ystyriaeth i’r thema ac, gan fod Marian a Ruth yn cynhyrchu argraffiadau gwreiddiol yn seiliedig ar adar ac anifeiliaid eraill, penderfynwyd mai hwn fyddai pwynt cychwyn yr arddangosfa. Yn y pen draw, cytunodd y tîm ar y thema hedfan, i gynnwys amrywiaeth o adar a phryfed hedfan. Drwy edrych ar argraffwyr y maent yn eu parchu, a gwneud ymchwil ychwanegol, daeth Marian a Ruth at restr fer o argraffwyr yn seiliedig ar ansawdd y gwaith ac amrywiaeth y technegau. Roeddent am i’r arddangosfa ddangos argraffu yn ei ogoniant llawn ac i gyfleu i’r cyhoedd y amrywiaeth o ddulliau o fewn y cyfrwng.

Mae’r detholiad terfynol o wyth argraffydd yn golygu bod y prosesau argraffu canlynol yn cael eu cynrychioli yn yr arddangosfa: ysgythru, sychbwynt, torliuniau leino, collagraff, ysgythriad pren, torlun pren a mezzotint. Mae’r rhan fwyaf o’r artistiaid wedi creu gwaith newydd yn arbennig ar gyfer yr arddangosfa, i’w dangos ochr yn ochr â gwaith sy'n bodoli yn barod. Mae’r argraffwyr yn dangos pryder am y duedd poenus o golli cynefinoedd a dirywiad mewn bioamrywiaeth, yn ogystal a gwerthfawrogiad o’r byd naturiol, yn enwedig y byd rhyfeddol o greaduriaid hedfanol.

Artistiaid sy’n Arddangos
Jenny McCabe, Julia Manning RE, Marian Haf, Molly Lemon, Nat McIntyre, Ruth Thomas AFG, Susan Davies, Viv Kersey