Name: The Royal Cambrian Academy
Telephone: 01492 593413
Price range: $

Dyddiadau Arddangos
04/06/26 - 11/07/26

Lleoliad
Academi Frenhinol Gymreig, Conwy, Gogledd Cymru

Jan Gardner AFG RWSW - Yn Rhydd

Rwyf wedi bod yn gweithio ar gasgliad newydd o waith o’r enw *Untethered*.

Mae’r flwyddyn ddiwethaf wedi cael effaith fawr ar fy mywyd gwaith. Daeth fy mhriodas o 31 mlynedd i ben. Mae fy ngwaith felly, wedi cynnig lloches bersonol ac yn ffordd o ddianc o’r realiti rwy’n ei wynebu’n wythnosol. Mae fy ymarfer bob amser wedi bod yn gysur rhag y byd.

Mae’r lliw a’r cynnwys addurnol yn reddfol, a dwi'n caru’r broses o drin lliw ar yr wyneb—yn ymgolli yn ei natur ac yn fy nghysylltiadau personol. Ychwanegaf at hyn ddarnau newydd wedi’u cymysgu o fy nychymyg a f nghof.

Hud yr hyn na ellir ei weld, yn cofleidio bregusrwydd a chryfder bywyd—am y rheswm yma, mae fy nghelf bob amser wedi bod yn daith bersonol. Mae’r argraffiadau yma a’r cerddi gweledol mynegiannol yn cael eu harchwilio ac yn cael eu gwreiddio mewn naratif personol iawn am fy myd mewnol, tirweddau breuddwydiol ac emosiwn ym mhob ffrâm a gyfansoddir yn reddfol. Rwy’n gweithio ar bapur, cynfas a bwrdd gan ddefnyddio cyfryngau dŵr â phigment cryf.

Peter Welford AFG - Amwyseddau

Er bod fy mhaentiadau yn gynrychioliadol, nid yw fy ngwaith celf yn ymwneud â realaeth. Yn hytrach, dwi'n trio creu byd paralel, tebyg i freuddwyd, wedi’i gymryd o natur, gan ffurfio colaj o elfennau’r realiti dwi'n arsylwi. Trwy hyn, dwi'n creu byd rhithwir lle mae fy alegorïau a’m sylwadau yn adlewyrchu harddwch delfrydol, ond gyda thensiwn seicolegol.

Mae cytgord y lliwiau a gorffeniad technegol deniadol wedi’u cynllunio i wrthbwyso’r pwnc (sy’n aml yn annifyr). Caiff themâu traddodiadol eu hailystyried er mwyn archwilio eu perthnasedd mewn byd sy’n ddibynnol ar bethau materol ac mewn dryswch ysbrydol.

“Mae Peter Welford yn bwriadu i’w gelf gael ei gweld fel drych. Os nad yw’r adlewyrchiad bob amser yn hawdd iw dderbyn, felly boed. Nid paentiadau cysurus ar gyfer y salon yw’r rhain, ond yn hytrach math o newyddiaduraeth. Mae’r themâu’n heriol ac weithiau’n wleidyddol—nid monologau ond deialogau gyda’r gwyliwr. Mae natur alegorïaidd llawer o’r pynciau, a’r symbolaeth gudd ym mhob paentiad, yn gwneud y ddeialog honno’n fwy gwerthfawr. Po fwyaf yr edrychir, y mwyaf a geir.”

Syr Simon Jenkins

George Drought AFG - Brasluniau Trefol

Yn y detholiad yma o waith, rwyf wedi dewis dangos rhai lluniau rhyfedd nad oes fawr obaith y cânt eu harddangos ar waliau ystafelloedd byw. Datganiadau personol ydyn nhw, nid wedi’u cynnig ar gyfer barn feirniadol.

Yn bennaf, mae’r gwaith yn luniadau topograffig syml yr oeddwn yn mwynhau eu gwneud—adeiladau a threfi yr oeddwn yn mwynhau edrych arnynt, efallai ychydig yn wag o bobl. Pan oeddwn yn iau ac yn fwy heini, roeddwn yn hoffi gweithio yn yr awyr agored, gan ymateb i’r hyn a welais—rhan bwysig o luniadu i mi. Erbyn hyn, yn 85 oed, mae’r cyfnod hwnnw wedi mynd. Fy ngwaith diweddaraf yw’r unig bortread yn yr arddangosfa.

Bydd pob gwaith a yn cael ei arddangos yn Oriel Yr Academi Frenhinol Gymreig, Conwy, rhwng 04/06/26 - 11/07/26. Mae’r gweithiau celf sy’n cael eu harddangos i’w gweld isod - beth am ddod i’r oriel i’w gweld yn fyw!

Os oes gennych ddiddordeb mewn prynu unrhyw un o'r gweithiau celf, lawrlwythwch y rhestr brisiau isod a chysylltwch â'r oriel ar 01492 593413.

Jan Gardner Peter Welford George Drought Price list June 2026

pdf, 31.348 KB

Lawrlwytho Jan Gardner Peter Welford George Drought Price list June 2026